بما ان الحمد لله قدرنا ننهى شرح الجزء الأول من سلسلة التسويق في ١٠ مقالات.
واختصارها العميل بيشجع غيره يشتري اكثر
وقبل ما نخش على المستوى التاني لازم تاخد فاصل بسيط وتعرف قشور عن معلومة مهمة جدا وهي
كتابة الـ Copy (الكوبي ده الي هو الإعلان وليه بنقول عليه كوبي لإن زمان اي حاجة هتتطبع وتتوزع كان بيتقال عليها كوبي (نسخة))
نرجع لموضعنا
- AIDA Model
- FAB Model
- PAS Model
دول ٣ طرق تقدر تكتب بيهم إعلانك ولكن خليني اطلب منك طلب هو ده الى خلاني اكتب المقالة دي قبل ما ندخل في الجزء الثاني من سلسلة الشرح.
تعالى اقلك مثلا:
- AIDA Model – اختصار لـ
- (Attention – Interest – Desire – Action)
- يعني: انتباه – اهتمام – رغبة – فعل
- انتباه (Attention): تشدّ انتباهه بحاجة غريبة أو سؤال يخلّيه يركّز معاك ( وده النوع الأشهر والأسهل الي عادة بيبدا ب ازاي)
- = عارف ان الفرق بينك وبين السينيور شهرين شغل بس في الطريق الصح
- اهتمام (Interest): تبدأ تحكي له عن الموضوع بطريقة تهمه
- (لان انت محتاج تطور من نفسك وتوسع من شغلك)
- رغبة (Desire): تخليه عنده رغبه واضحة
- (وتوصل انك تشتغل مع كلاينت كبار او شركات عالمية)
- فعل (Action): تقول له يعمل إيه
- (كل الي عليك انت تسال عن ورشة السينيور كونتنت كريتور.)
- اختصار لـ FAB Model
- (Features – Advantages – Benefits)
- Feature (الخاصية): ايه الميزه الجامدة زحليقة في المنتج؟
- Advantage (الفائدة العملية): العميل هيستفاد ايه فعلا من المنتج ده؟
- Benefit (الفائدة العاطفية): العميل المفروض يحس بايه وهو بيشتري المنتج ده؟
- موديل PAS
- (Problem – Agitation – Solution)
- يعني: مشكلة – وجع – حل
- ده بقى بيشتغل على مشاعر الناس، بالذات القلق والخوف.
- مشكلة (Problem): مش قادر تعرف انت مستوى متوسط ولا مبتدا؟
- الوجع اه من الوجع او نقاط الألم (Agitation): شغال في بيئة مش قادرة تضيف ليك شيء زيادة وخايف تطويرات المجال تفوتك؟
- الحل (Solution): تعالى نتكلم سوا في ورشة مخصصة للسينيور الي هنراجع فيها تحديثات المجال ونتعلم فيها تفاصيل اكثر.
طب التلاتة دول بقا طلعو لينا ايه مع بعض؟
انتباه – اهتمام – رغبة – فعل
الخاصية – فائدة عمليه – فائدة عاطفية
مشكلة – الألم – الحل
عندك ١٠ عناصر لازم يكون عندك مهارة في انك تعرف ازاي تطلعهم علشان بعد كدا لما نتكلم عليهم وعلى الأنجل angle تبقا الدنيا لزيزه معاك
وتعالى ناخد تاسك عليها.
عاوزك من هنا لحد المقال الجديد اي حاجة تشوفها طلع ليها العناصر دي في دماغك
مثال: (شفت ورك فارخة في قلب صنينة بطاطس واخدة وش محروق اطراف البطاطس.)
سئل نفسك هتبيع ازاي الصنية دي بالي فيها عن طريق العشر حاجات الي قلناهم فوق ولا تنسي تراجع باقي المقالات وتستنا المقالات الجايه
#وياريت دعوه حلوه لإن مقالتنا حلوة وبسمسم.
