التسويق الرقمي ببساطة هو إنك تبيع وتسوق حاجتك باستخدام الإنترنت… يعني بدل ما تنزل الشارع وتزعق “ان معاك بكسرات للبيع!”، لأ، دلوقتي بتعمل بوست على إنستجرام أو إعلان بيظهر للي قاعد بيشرب بياكل بطيخ في الحر ده.
طب تاخد معلومة؟
التسويق الرقمي هو نفس التسويق اللي في الكتب، بس ميكناه لمؤخذة يعني خلناه مميكن. نفس القواعد بتاعت (اعرف عميلك، اعرض عليه حاجة تحل مشكلته، وخليه ينبهر بيك ويشتري من غير مجهود)
شوف لو كتبت التلت حاجات دول في ورقه وفضلت تبص عليها هتوصل صدقني. بدل ما هنروح هنطلعلهم
يعني بدل ما تروحلهم، إنت خليك ذكي واطلعلهم على:
- الفيسبوك
- انستجرام
- جوجل
- اليوتيوب
- اي مكان تعرف لامؤخذة تطلع منه اطلع
الناس بقت تدور على كل حاجة أونلاين كل حاجة حرفية انا لسه شايف حد بيدور على كلبة دوبر نتاية للكلب بتاعة انت متخيل وصلنا لفين؟
وطلاما ما دخلنا في الكلاب الدوبر كدا يبقا الموضوع كبير!
أيوه…بس الي جي ده مش هتلاقيه موجود في مكان تاني غير هنا.
طول الكلام الي جي هنعتبر ان التسويق = مطبخ والكامبين = اكلة.
وزي ما أي مطبخ مليان أدوات، التسويق الرقمي : أدواته كتير… بس مش لازم تستخدمهم كلهم مرة واحدة.
كل أداة ليها استخدام:
- ادوات المحتوى
- ادوات السوشيال ميديا
- ادوات الـSEO
- الإعلانات
- الإيميلات
- اعرفهم بس دلوقتي وبعدين خلينا نتكلم فيهم بعدين على رواقة.
#اتعلم_التسويق_من_الصفر
