الـ Awareness

طيب هنحط ايه في المرحلة دي؟

عاوزين الناس تعرف عننا ايه؟

ايه أدوات التسويق اللي تنفع للمرحلة دي:

كل الادوات حرفيا عادي هتنفع.

بس في حاجة مهمة؟ اه انت محتاج في المرحلة دي المنصات الي ممكن تنزل فيها محتواك كامل على كل المنصات بضغطة زرار

لان انت هتكون بتحاول تجرب كل حاجة ومحتواك كثير جدا فممكن ده يساعدك فعلا.

• oktopost
• Pallyy
• Hypefury
• Brandwatch

دي برامج لطيفه خد عنها فكرة وخد افكار عن البرامج شبها والفرق بينها.

تعمل إيه في مرحلة الوعي؟

فيديو قصير يشرح “ليه الشركات في السعودية بدأت تعتمد عليك انت”

انفوجرافيك بسيط يشرح الفرق بينك وبين عم عبد العليم الي شغال بتاع فراخ في كتابة المحتوى ولان هدفنا مش البيع

بس خليك جذاب لدرجة العذاب هخهخه اسف

المهم التقيم بتاعك الجيد لما تلاقي المحتوى بتاعك خلى الناس تسال “مين الشركة دي؟ عاوز اعرف عنها اكثر

طب هو في هدف تاني او نصيحة؟

اه في اهداف تانية ونصايح مهمة:

انت لازم تفهم الرحلة دي كويس، علشان تقدر تصمّم كل جزء فيها علشان الناس تمشي فيها بشكل تلقائي شبه سلالم الكهرباء كدا يعني إيه؟

شطارتك أنك تقدر تتحكم في اللي بيحصل من أول ما شافك لحد أول فاتورة.

ودي اول قاعدة هنشتغل بيها هنا:

مش كل حاجة بيع بيع بيع.

انا عاوز هدفك انك تمشي الناس خطوة خطوة في رحلة بهدوء وذكاء، لحد ما يبقوا عملاء مخلصين.

فاضل بقا نتكلم عن مراحل الرحلة وتفاصيلها وهتلاقوه في البوست الي بعد ده على طول

نخش بقا في أنواع الوعي في التسويق

• الوعي بالعلامة التجارية (Brand Awareness)
  • يعني الناس تعرف اسم شركتك أو لوجو شركتك، حتى لو مش فاكرين بتعملوا إيه بالظبط.
• الوعي بالمنتج (Product Awareness)
  • العميل يعرف إن عندك منتج معين بيحل مشكلة معينة.
  • مثال: تعرف إن فيه شركة عندها جهاز بيشحن الموبايل من الطاقة الشمسية
• الوعي بالمشكلة (Problem Awareness)
  • العميل يبدأ يحس إن عنده مشكلة، بس لسه مش عارف يحلها إزاي.
  • زي اللي شعره بيقع، ولسه مش عارف إنه محتاج منتج مضاد لتساقط الشعر (ده انا تحديدا)
• الوعي بالحلول (Solution Awareness)
  • العميل بدأ يدور على حلول، وعايز يعرف مين يقدر يساعده.
  • زي اللي جوجل بيقوله: “أفضل كريم لعلاج القرعة

بعد كدا ندخل في مراحل الوعي (Customer Awareness Levels)

ودي مراحل نفسية بيمر بيها العميل قبل ما يشتري:

شطارتك هتتقدر بدهب لما تبدا تعرف كل

• غير واعي (Unaware)
  • مش حاسس إن عنده مشكلة أصلاً
  • = احكي ليه قصة تحسسه بالمشكلة
• واعي بالمشكلة Problem – Aware
  • حاسس بالمشكلة بس مش عارف الحل
  • = اظهر ليه ان في حلول
• واعي بالحل (Solution-Aware)
  • بيدور على حل وعايز يعرف الخيارات.
  • = قدم منتجات ليه كحل سريع.
• واعي بالمنتج (Product-Aware)
  • عارف منتجك، بس مش مقتنع يشتري لسه.
  • هنا لازم تبين الميزة التنافسية والفرق بينك وبين غيرك.
• واعي وجاهز للشراء (Most Aware)
  • = مستني بس offer كويس أو push بسيط
  • اديله عرض قوي.

بقلك ايه تصدق اني مش فاهم منك حاجة؟

ما بلاش كلام نظري يا اسطا علشان انا على اخري.

= انت شكلك عاوز تاخد الخلاصة صح؟ تمام خد الخلاصة.

• اولا: اعمل حملات إعلانية Targeted كويس.
• ثانيا: ركز على فيديوهات قصيرة فيها قفشات وتعليم.
• ثالثا: شارك قصص عملائك (Social Proof).

اعمل حملات “Top of Funnel” (TOFU) بمحتوى خفيف وتعليمي. ودي هنتكلم عنها تفصيلا قدام متخافش